SARRERA

SARRERA

Blog honen bidez nere helburua Berastegi eta bere inguruko natura eta historia jorratzea izango da.

ZUBIAK etiketadun mezuak erakusten. Erakutsi mezu guztiak
ZUBIAK etiketadun mezuak erakusten. Erakutsi mezu guztiak

2017(e)ko apirilaren 13(a), osteguna

MUSTARKO ZUBIA



1755.urteko urtarrilaren 26ean, Juan Bautista Lizarza Berastegiko alkate eta ohiko epaia, eta Josseph Antonio de Ormaechea Elduaiengo Alkate eta ohiko epaia, hau bien errejidoreekin Bideraun izeneko lekuan elkartzen dira.


Leitzaran bailaran dagoen Herrerias Jermadas de Mustar-en ondoan, bi herrien jabetza izanik, harrizko zubi berri bat eraikitzeko adosten dira. Miguel de Irisarri eta Francisco Zelaia bi herrietako hargin eta perituak, oroitz-txosten batean adierazten dute eraikitzeko forma eta modua.

Andres de Aguirrek bereganatzen du eraikuntza 249,5 eskudu eta 15 belloneko erreal-gaitik, eskaintza hoberena izateagatik.

Perituek ezarritako baldintzetan, eraikuntzan honako hau esaten dute:
Lenengo, bertan dagoen egurrezko zubia desegin, zubi berria eraikitzeko.
llevando en su mitad, un arco que tenga de largo o de gueco quarenta y ocho pies, de ancho once pies, que el enunciado arco devera ser sacado en seis pies de medio punto. Harri-hormarako hormatzarra eraman beharko du arkua babesteko. Eraikuntzarako beharrezko egurra, bi herrien kostura joango da, eta bertako basotik atera beharko da.

Ordainketa lau epetan izango da, eta kopuru berdinekoak izango dira lau zatiak.
El primero el dia en que se otorgara la referida escritura para la execucion, el segundo al tiempo que se diese principio a asentar y poner las piedras del arco del puente, el tercero guando concluiere esta obra y se hiciere la primera entrega de ella, y el cuarto y ultimo al tiempo que se hiciere la entrega formal ultima de esta obra despues del año y dia.




2013(e)ko apirilaren 14(a), igandea

URTOKO ZUBIA



Gipuzkoa eta Nafarroko mugan kokatzen den urtoko zubiari hainbat berrikuntza egin zaizkio. Lehenbizi zubia egurrezkoa zen, baina uholdeak zirela tarte urtero konpondu beharra izaten zen. Honen mantenua oso garestia zenez, harrizko zubia eraikitzea erabaki zuten, erdi-puntuko arku bikoitzeko manposteriarekin.

Zubia zabaldu aurretiko itxura
1735/12/04ean Bideraunen elkartu ziren Berastegi eta Elduaingo juridikzio komunak. Berastegitik Domingo Garaicoechea alkatea, Pedro De Iparraguirre,Antonio De Zabaleta eta Andres De Lizarza. Elduaindik Diego De Muñagorri alkatea,Manuel De Esoin, Juan De Soroa, Lazaro Marichalar eta Joseph De Ibarrola. Hauek denak elkarturik urtoko errege-bidea pasatzen zen egurrezko zubia eraitsi eta harrizko zubi berria eraikitze asmoz. Leitzako udaletxean 1735/12/08an Andres De Lasarte, Antonio Errandonea, Bautista Zavaleta, Miguel De Zavaleta, Miguel De Villabona, Bautista Oronoz eta beste 27 lekuko elkartzen dira gai berdinagatik.

Hiru hiribilduko juridikzio komuneko Franquia belazean elkartu ziren 1736/12/22an, bertan hiru hiribilduko ordezkariak elkartu ziren zubi berriaren oinarriak eta eraikuntzaren hitzarmenak adosteko. 



1736/11/19an urtoko egurrezko zubian bildu ziren:
Berastegitik; Juaquin De Lizarza, Miguel De Yrixarri,Agustin De Garciarena eta Julian lavaien herriko ordezkariak.
Leitzatik; Miguel De Eguzquiza alkateordea eta Martinez De Alduncin.
Elduaindik; Julian De Soroa, Julian De Salvarredi eta Joseph De Etxeverria herriko ordezkariak.
Hauek urtoko eraikuntzaren hitzarmenaz hitzegiteko bildu ziren.Billabonako Pedro De Orcarazaguirre harginari eman zioten berrikuntza egiteko lana edo ardura, 549 zilarrezko ezkutuen truke eta jarraian hasi zen lanean. Erabateko kostua 1203 zilarrezko ezkutu eta 15 kobrezko erreal izan ziren( hargin lana, harri, igeltsu, hare, egur etabar).
Argazki honetan nabarmentzen da erantsitako zatia


1737/11/27 epean Pedro De Orcarazaguirrek zubi berria amaitzen du hiru hiribilduentzat.


1933. urtean  egiten da azken berritze lana, 2,8 metroko zabaleratik 6metrotara eramanez, bere estutasunak  autoak gurutzatzeko edo zeharkatzeko sortzen zituen arazoak konponduz.
Honek, 16.810 pezetako diru gastua sortu zuen eta gipuzkoako eta nafarroko  diputazioak erdi bana ordaindu zuten berritze lana.